1.    Standarttaý

Jumys bir daǵdyǵa túsken kezde maqsatyńyz arqyly múmkindikterge ıe bolasyz.  Nátıjeli is atqara alasyz. Jumysyńyzdy standartqa keltirý úshin ár qadamyńyzdy jazyp, barynsha jaqsartýǵa bolady. 

«Kaızen» ádisiniń negizi 5 negizgi elementterden turady: «5 S» —

• Seiri — uqyptylyq

• Seiton — rettik

• Seiso — tazalyq

• Seiketsu — standarttaý

• Shitsuke — tártip

Sondyqtan da bul jerde standarttaýdyń mańyzy zor. İstegi jáne oıdaǵy júıelilik pen turaqtylyq ádistiń jaqsarýyna yqpal etedi. 

2.    Ólsheý

Jasalynatyn jumys shegimen ólshenip, naqty bir júıege túsken kezde tezirek nátıjege jáne turaqtylyqqa aınalady.

Jumys pen ómirde jasalynatyn is ólshemmen jáne turaqtylyqpen bolǵany abzal. Kúndelikti bitpeıtin jumys sizdi aqyr sońynda jalyqtyryp, múlde toqtatyp tastaýǵa ákelip soǵady. 

3.   Óndirý

Ádistiń taǵy bir ereksheligi óndirý. Ózińiz úshin ǵana emes, ózgeler úshin de jańa dúnıeni óndirý. Kaıdzendegi basty maqsattyń biri úzdiksiz damý men mıdaǵy rettilik. Mıdy qoqystan tazartyp, oı júıelengen kezde áriqaraıǵy qadam anyq bolady. 

4.   Tazartý

Standartqa úırenisken adam óz isin súzgiden ótkizip, jedel túrde naqtylyqqa daǵdylanatyn bolady.

Kúndelikti jasaý kerek dep tabylǵan isterdiń ishinen naqty eki-úsh mindetke ǵana fokýs jasaý qajet. Tańnan tura salysymen sol kúngi jospardy qaǵazǵa túsirip, oıdaǵy shashyrańqylyqty retteýge tyrysyńyz.